तपाईँले पूर्वाधार विकास कार्यालय, म्याग्दीसँग ठेक्कापट्टामार्फत कुनै काम गर्न सम्झौता गर्नुभएको छ र सम्झौताका सर्तहरूमा मोबिलाइजेसन पेस्की दिन मिल्ने कुरा उल्लेख गरिएको रहेछ भने सोही सर्तहरू अनुसार मोबिलाइजेसन पेस्की पाउनुहुन्छ। सामान्यतया मोबिलाइजेसन पेस्की २०% हुन्छ र यो २ किस्तामा दिइन्छ। पहिलो किस्ता (१०%) प्राप्त गर्नको लागी सम्झौता सम्पन्न गरी अग्रिम भुक्तानी जमानत पेस गर्नुपर्छ। दोस्रो किस्ता (१०%) प्राप्त गर्नको लागि निर्माणस्थलमा कामदार, निर्माण सामग्री र उपकरण पुगी पूर्ण रुपमा कार्य सञ्चालन भएको हुनुपर्छ। अग्रिम भुक्तानी जमानतका साथै बिमाको कागजात, Quality Assurance Plan (गुणस्तर सुनिश्चितता योजना), संयुक्त सर्वेक्षण प्रतिवेदन (Joint Survey Report) आदि पेस भई कार्यालयबाट स्वीकृत समेत भएको हुनुपर्छ। तर ठेक्का सम्झौताको सर्तअनुसार  केही कुरा फरक पर्न पनि सक्दछ।